سوري ولا عربي؟

في بلادنا الجميلة وفي كل مجالاة الحياة ديما نحقرو أرواحنا ونعطيو إلى أي حاجة جاية من البرة قدر وقيمة لمجرد أنها جاية من البرة. مثلا في الكورة، كل ما يجي مدرب من بلاد ما يحكيوش فيها بالعربي فيسع ما يكبر في عينينا ونحترموه.وكل مرة يسمعو بيا ناس نعشق صوت سمير لوصيف يقولولي ملا قعر. و نفس العباد كي يسمعو بيا نحب شارل ازنافور يقولولي أما تبارك الله عليك هاك ذواق. لباسنا التقليدي، هذاكا أسكت بركة... لباس العار اسمو. و كان تغلط نهار وتلبس جبة إلا ما تضحك عليك جميع الأمة. إذن بالنسبة لينا المنتوج المحلي ديما خايب. وأقوى جو لو كان تبدى كلك على بعضك منتوج مستورد...مالا بابا سيدي كان الحكاية طلعت هكة، يحيى البراني ولا عاش فيها ولد بلاد!!