بسمة طفل صغير

ممكن الدنيا تفنى
ممكن الموت يجي نهار وتشرفنا
ممكن تعيش تجارب كبار
ممكن حتى حياتك تعديها مرار

أما مستحيل تبقى ساكن قدام بسمة طفل صغير

شديت الملائكة بين يديا
جات عينيه في عينيا
كشفلي أسرار العالم في نظرة
وزرعلي بيها في قلبي للخير أنفس بذرة

و من بعد تقلي ماهي إلا بسمة طفل صغير ؟

يكبر في عز الأميمة
تفهموا من غير ما ينطق بكليمة
ممكن يبكي و يطلب تبديل الكوش
أما بسمتو أحلى نور يضوى بيه الحوش

أقوى ما ريت في عمري بسمة طفل صغير...