إرجع غدوة

باهي... تفاهمنا...
تو نرجع غدوة.
أما راني قلقت ومليت من الرجوع غدوة...
فسرولي علاش ديما ناقصتني ورقة وديما لازمني نمشي ونرجع ؟
وحتى كان وراقي كاملين، لازمني نرجع غدوة...
مكتوب الشقاء على من قاصد ربي لإدارة من الإدارات...
هوما قاعدين على كرسي ويحكموا بأحكامهم وإنتي الشمس على قبيعتك وحيط يهز وحيط يجيب...
ولازمك ترجع غدوة هذاكا العرف وهذيكة الإجراءات...
هوما تحت المكيف وإنتي راسك دخن بالسخانة...
أما تستاهل!
هذاكة ربي !
آش مهزك تقيد ؟ ماو لاباس؟
عيش بطال ومن غير شهايد خير !
إسمع ما نطولوهاش وهي قصيرة، إرجع غدوة وريح السد يدي ما يرد...
باهي عندكم الحق ناقصتني ورقة...
تو نرجع غدوة




هدية مدونة بوقرنين بمناسبة حلول موسم الترسيم...